Қорақалпоғистон Республикасининг Элликқалъа туманида 11 июль куни Беруний туманида яшаган Ш.Б. бошқарувидаги “Nexia” русумли автомашинани “Бўстон-Беруний-Чолиш-Урганч” йўлининг 3 км.да ҳайдаб кетаётиб, қарама-қарши томондан ҳаракатланиб келаётган Беруний шаҳрида яшаган О.С. бошқарувидаги “Cobalt” русумли автомашина билан тўқнашув содир этган.
Натижада “Nexia” ва “Cobalt” автомашинасининг ҳайдовчилари жароҳат олиб воқеа жойида, йўловчилари И.З., М.М. ва З.Ж.лар эса касалхонада вафот этганлар.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, “Nexia” автомашинасининг яна 1 нафар йўловчиси Н.В. касалхонага ётқизилган.
