Тошкент шаҳар ЙҲХББ Ахборот хизматининг хабар қилишича, жорий йилнинг 1 ноябрь куни соат 14:42 ларда фуқаро К.М.га тегишли бўлган Nexia 3 автомашинаси Чилонзор туманидан олиб қочилган.
Ҳолат юзасидан Тошкент шаҳар ва Тошкент вилояти миқёсида қидирув ишлари амалга оширилди. Натижада, шу куннинг ўзидаёқ Паркент туманида хизмат олиб бораётган ЙҲХБ қидирув ва суриштирув инспектори сержант Ж.Ашрапов томонидан ушбу автомобилга тўҳташ ишораси берилишига қарамасдан, ҳайдовчи ҳаракатни давом эттирган. Керакли чора тадбирлар амалга оширилиб, автомобиль тўҳтатилган.
Суриштирув натижасига кўра, ушбу жиноятни 1996 йилда туғилган Тошкент вилояти Бўстонлиқ туманида яшовчи Т.Б томонидан содир этилганлиги маълум бўлди.
Фуқоро Т.Б. Тошкент шаҳар ИИББ ҳодимларига далилий ашёлар билан биргаликда топширилган.
