UzAuto Motors ноябрь-декабрь ойларида автомобиль етказиб берилишини кутаётган харидорларга мурожаат қилди.
Компания хабарида келтирилишича, UzAuto Motors’га боғлиқ бўлмаган ҳолатлар — яримўтказгичлардан тайёрланган бутловчи қисмлар етишмовчилиги ҳамда глобал логистика муаммолари сабабли компания 3.1.1 бандини қўллашга ҳамда 3.1 бандда кўрсатилган автомобилларнинг кутилаётган етказиб бериш муддатини 2 ойга узайтиришга мажбур.
“UzAuto Motors ушбу экстремал чора истеъмолчилар томонидан тўғри тушунилиб, қабул қилинишига умид қилмоқда”, - дейилади хабарда.
Эслатиб ўтамиз, аввалроқ, UzAuto Motors Captiva 5 ишлаб чиқаришни тўхтатгани ҳамда мазкур автомобиль учун тўланган пулларни қайтариб бераётганини маълум қилгани ҳақида хабар бергандик.
Шунингдек, UzAuto Motors харидорларга 2021 йилнинг октябрь-ноябрь ойларида Lacetti ва Labo етказиб беришни кечиктирганди.
