Шахматнинг рапид йўналиши бўйича жаҳон энг ёш чемпиони бўлган Нодирбек Абдусатторов мукофотланди.
Ўзбекистон президентининг фармони билан Польшанинг Варшава шаҳрида бўлиб ўтган шахмат бўйича Жаҳон чемпионатида ғолибликни қўлга киритган ва мазкур спорт турининг рапид йўналишида жаҳоннинг энг ёш чемпиони сифатида эътироф этилган Нодирбек Абдусатторов "Мард ўғлон" давлат мукофоти билан тақдирланди ҳамда президент кўрсатмаси билан унга Тошкент шаҳрида 2 хонали хонадон совға қилинади.
Эслатиб ўтамиз, Нодирбек Абдусатторов 5 карра жаҳон чемпиони Магнус Карлсенни мағлуб қилганди ҳамда 13 турдан иборат чемпионат якунига кўра, 9,5 очко тўплаган ҳолда чемпионга айланганди.
