Тошкентда иккита ЙТҲда 2 киши ҳалок бўлди. Бу пойтахтда ўтказилган рейд давомида маълум бўлди.
Аниқланишича, Тошкент шаҳар Янгиҳаёт тумани Қипчоқ кўчасида Nexia-2 ҳайдовчиси тезликни ошириб, пиёдалар йўлакчасидан ўтаётган 2005 йилда туғилган пиёдани уриб юборган. Шундан сўнг, ҳайдовчи машинани ташлаб, ўзи қочиб кетган. Пиёда эса шифохонада вафот этган.
Шунингдек, Мирзо Улуғбек туманида Matiz бошқа автомобиль билан тўқнашиб, ЙТҲ содир бўлган. Оқибатда, Matiz’да бўлган йўловчи аёл воқеа жойида вафот этган. Бундан ташқари, 4 нафар фуқаро тан жароҳатлари билан шифохонага олиб кетилган.
Ҳозирда мазкур ҳолатлар юзасидан суриштирув ва текширув ҳаракатлари олиб борилмоқда.
