Миллий Олимпия қўмитаси Матбуот хизматининг хабарига кўра, 9-12 декабрь кунлари Тошкентда шпага, рапира ва сабля бўйича йигитлар ўртасидаги Жаҳон кубоги баҳслари бўлиб ўтади.
Мусобақа Халқаро қиличбозлик федерацияси тақвим режасидан ўрин олган бўлиб, спортчилар учун муҳим рейтинг очколарини тақдим қилади.
Регламентга кўра, беллашувлар яккалик ва жамоавий йўналишда бўлиб ўтади. Мусобақа тақвими қуйидагича:
— 9 декабрь: рапира бўйича яккалик;
— 10 декабрь: шпага бўйича яккалик, рапира бўйича жамоавий;
— 11 декабрь: сабля бўйича яккалик, шпага бўйича жамоавий;
— 12 декабрь: сабля бўйича жамоавий.
