22 декабрь куни, тахминан соат 12:00да Сергели туманининг Тошкент ҳалқа автомобиль йўлида ЙТҲ содир бўлди. Бу ҳақда Тошкент шаҳар ИИББ хабар бермоқда.
21 ёшли «КамАЗ» ҳайдовчиси бошқарувни эплай олмай, қарама-қарши ҳаракат йўналишига чиқиб кетиб, Lacetti автомобили билан тўқнашган. Тўқнашувдан сўнг юк машинаси ариқдан ўтиб кетиб, йўл четида тўхтаган.
Қайд этилишича, фуқаро юк машинасини прицепли транспорт воситасини бошқаришга рухсат берувчи тегиши ҳужжатларсиз бошқарган.
ЙТҲ оқибатида жабрланганлар йўқ.
