Шаҳлохон Турдиқулова инновацион ривожланиш вазирининг биринчи ўринбосари лавозимидан озод этилиб, инновацион ривожланиш вазирининг ўринбосари этиб тайинланди.
У ўтган йилнинг октябридан ушбу лавозимда ишлаб келаётганди.
Олимжон Тўйчиев инновацион ривожланиш вазирининг ўринбосари лавозимидан озод этилди.
У 2019 йил ноябридан вазир ўринбосари сифатида фаолият кўрсатиб келаётганди.
Эслатиб ўтамиз, президент қарорига мувофиқ, Инновацион ривожланиш вазирлиги марказий аппаратининг тузилмасига ўзгартиришлар киритилди. Унга кўра 5 нафар вазир ўринбосари лавозимларидан фақатгина 1 нафар вазир ўринбосари лавозими қолдирилган.
