Бу ҳақда Ўзбекистон Республикаси олий ва ўрта махсус таълим вазирининг биринчи ўринбосари Иномжон Мажидов чоршанба куни бўлиб ўтган халқаро пресс-клуб учрашувида маълум қилди.
Бундан ташқари жорий йилдан бошлаб Ўзбекистон олий ўқув юртларига кириш имтиҳонларини ўтказишда шаффофликни кучайтириш учун мунтазам равишда чоралар кўрилади, деб таъкидлади Иномжон Мажидов.
Эслатиб ўтамиз, Ўзбекистон олий ўқув юртларининг айримларида “Бункер” деб аталадиган услуб ноқонуний равишда қўлланилиб келаётганди. Бу услуб шундан иборатки ўқитувчилар 1 август имтиҳон куни олий ўқув юртларининг “кўринмас” ҳудудларида туриб абитуриентларнинг тестларини ечиб беришади. Шу йўл орқали абитуриентлар юқори балл тўплаган ҳолда давлат гранти асосида ўқишаётган эди.
