Дастлабки маълумотларга кўра, 25 январь куни «Урганч – Москва» йўналиши бўйича учаётган самолёт йўловчилардан бирининг соғлиғи ёмонлашгани сабабли Оренбург аэропортига фавқулодда қўнишга мажбур бўлган.
Бироқ, 63 ёшли эркак шифокорлар етиб келгунига қадар лайнер салонида вафот этган.
Россия Федерацияси Тергов қўмитасининг Транспорт бўйича Марказий минтақалараро тергов бошқармаси терговчилари текширув ўтказмоқда. Ҳодисанинг барча ҳолатлари аниқланмоқда. Текширувда процессуал қарор қабул қилинади.
