Аввалроқ, ижтимоий тармоқларда Наманган вилояти Норин туманидаги 1-мактаб ўқувчиси Эргашалиев Муроджон Республика миқёсида ўтказилган онлайн олимпиадада математика фани бўйича 1-ўринни қўлга киритгани муносабати билан унга ноутбук совға қилингани, лекин ноутбукни мактаб ўқитувчилари тортиб олганини маълум қилиб, видеомурожаат йўллади.
Шундан сўнг, вилоят ХТБ Матбуот хизмати ҳолат бўйича текширув ўтказилганини маълум қилди. Қайд этилишича, ноутбук ўқувчи Муроджон Эргашалиевга қайтариб берилган.
Шунингдек, мазкур мактаб директори Назимжон Хусанов, синф раҳбари Санобар Ҳожимуродова эгаллаб турган лавозимидан озод этилган.
Юқоридаги ҳолат бўйича, камчиликларга йўл қўйганлиги сабабли Норин туман халқ таълими бўлими мудири Жавлонбек Нурмуҳаммадовдан тушунтириш хати олиниб, тегишли интизомий жазо чораси қўллаш бўйича Халқ таълими вазирига хат киритилди.
