Ўзнефтгазиснпекция Ахборот хизмати хабарига кўра, республика бўйича 2022 йилнинг 25 январигача 215 та ҳолатда улгуржи истеъмолчилар томонидан табиий газдан ноқонуний фойдаланилган.
Улар томонидан етказилган зарар миқдори 5,5 млрд сўмни, ҳисоб-китоб қилинган газ ҳажми 4,9 млн метр кубни ташкил этган.
Республика аҳолиси ва ижтимоий соҳа муассасаларини табиий газ билан узлуксиз таъминлаш мақсадида автомобилларга газ тўлдириш компрессор шохобчаларини Маҳаллий ҳокимликлар томонидан тасдиқланган режа-графикка асосан сутканинг маълум вақтида табиий газни қисқартирилиши назоратга олинган.
Амалга оширилган ишлар натижасида, жорий йил бошидан 24 январь кунига қадар АГТКШлардан бўшатилган 66,6 млн метр куб табиий газ ҳажмлари аҳоли хонадонлари ва ижтимоий соҳа муассасаларига йўналтирилди.
