Ўзгидромет маълумотларига кўра, бу йил февраль ойи нисбатан илиқ об-ҳаво билан бошланади. Ойнинг биринчи ўн кунлигида кечалари ҳарорат 0…+5, баъзи жойларда -2 даража атрофида бўлади, кундузги ҳарорат эса +6…+8 даражадан +12…+14 даражагача ўзгариб туради.
5 февралда шимолда ва 6 февралда Ўзбекистоннинг қолган ҳудудларида асосан ёмғир кўринишидаги ёғингарчилик бўлади. Республика бўйича баъзи жойларда биринчи ўн кунликнинг энг охирида ҳам бироз ёғингарчилик бўлиши мумкин.
Кейинчалик ҳаво ҳарорати кечалари 0…+5 даражадан 0…-5 даражагача, шимолда -8…-13 даражагача ва кундузи +10…+15 даражадан +3…+8 даражагача ўзгариб туради. Ҳудудларнинг катта қисмида ёмғир ва қор кўринишидаги ёғингарчилик меъёрдан кам бўлиши кутилмоқда.
