Аввалроқ, ижтимоий тармоқларда бир нечта йигитлар қизни мажбурлаб олиб қочаётгани акс этган видео тарқалди. Мазкур ҳолат бўйича изоҳ берилди.
Аниқланишича, видеотасвирдаги ҳолат жорий йилнинг 4 февраль куни Қорақалпоғистон Республикаси Беруний туманида содир бўлган.
Беруний туманда яшовчи 1996 йилда туғилган А.Х. ўзининг икки нафар таниши билан биргаликда 2002 йилда туғилган (қиз бола) Б.О.нинг эркига хилоф равишда у билан никоҳда бўлиш учун зўрлик ишлатиб олиб қочган.
Б.О. эса шу куни соат 21:00 ларда Беруний тумани ИИБ бошлиғи номига юқоридаги ҳолат юзасидан ариза билан мурожаат қилган.
Ҳозирда мазкур ҳолат юзасидан Беруний тумани ИИБ ҳузуридаги Тергов бўлинмаси томонидан терговга қадар текширув ҳаракатлари олиб борилмоқда.
