2022 йил 1 март куни Тошкент вақти билан соат 9:15 да Украинадан эвакуация қилинган 258 нафар ўзбекистонлик Польшанинг Катовице шаҳридан олиб келган навбатдаги махсус самолёт Тошкентга қўнди.
Жорий йилнинг 1 март ҳолатига кўра, Ўзбекистон дипломатик ваколатхоналари ва мутасадди ташкилотларининг саъй-ҳаракатлари натижасида Украинадан жами 509 нафар Ўзбекистон фуқароси ватанга қайтарилди.
Ҳозирги вақтда "Карчова" назорат-ўтиш пунктидаги тўпланиш жойида бўлиб турган 650 дан ортиқ фуқаролар учун барча зарур шароитлар яратилган.
Ўзбекистонликларни олиб келиш яна учун қатор эвакуацион рейсларни ташкиллаштириш кўзда тутилмоқда.
Эслатиб ўтамиз, кеча, 28 февраль куни илк рейсда 241 нафар Ўзбекистон фуқароси Польшанинг Катовице шаҳридан олиб келинди.
