Бош прокуратура департаменти Матбуот хизматининг хабарига кўра, Булунғур туманида О.А. бошқарувидаги Lacetti тўхтатилиб, кўздан кечирилган.
Натижада, машинада оғирлиги 525,9 грамм бўлган умумий баҳоси 358,2 миллион сўмлик 15 дона олтин металл қотишмалари борлиги аниқланиб, ашёвий далил сифатида олинган.
Ҳайдовчи уни Навоий вилоятида яшовчи фуқаро Ш.Н.дан олиб, Тошкент шаҳридаги фуқаро Э.Қ.га етказиши керак бўлган.
Ҳолат юзасидан ЖКнинг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилган. Ҳозирда тергов ҳаракатлари ўтказилмоқда.
