Uzbekistan Airways АЖ икки йилдан сўнг Тошкент – Париж – Тошкент йўналиши бўйича мунтазам авиақатновларни тикламоқда. Бу ҳақда компания Матбуот хизмати хабар берди.
Париж шаҳрига парвозлар 2022 йил 29 апрелдан бошлаб 10 июнгача ҳафтада икки марта – сешанба ва жума кунлари амалга оширилади.
Чипталарни авиакомпаниянинг расмий сайтида 3% чегирма билан, Uzbekistan Airways Sales филиалидан ёки авиакомпания агентларидан харид қилиб олиш мумкин.
