Қорақалпоғистон Республикаси Жўқорғи Кенгесининг навбатдаги йиғилишида Қорақалпоғистон судининг раисини сайлаш масаласи кўриб чиқилди. Бу ҳақда Жўқорғи Кенгес матбуот хизмати маълум қилди.
Унга кўра, Камал Тарихов Қорақалпоғистон суди раиси лавозимига сайланди.
Якунда уни мазкур лавозимга тайинлаш ва амалдаги суд раиси Гулнара Базарбаевани вазифасидан озод этиш тўғрисида қарор қабул қилинди.
Камал Тарихов бунга қадар Қорақалпоғистон суди раисининг фуқаролик ишлари бўйича ўринбосари лавозимида фаолият кўрсатган.
