Ижтимоий тармоқда Навоийда йўловчи автобус ағдарилиб кетганлиги акс этган видео тарқалди. ИИВ ЙҲХББ ҳолат юзасидан маълумот берди.
Маълум бўлишича, 2022 йил 3 май куни соат 10:00 ларда Навоий вилояти Қизилтепа тумани ҳудудидан ўтувчи 4R-65 автомобиль йўлида 1973 йилда туғилган К.Ў. Yutong русумли автобусда ҳаракатланаётиб, эҳтиётсизлиги оқибатида руль бошқарувини йўқотган ва автобус йўл четига ағдарилган.
ЙТҲ натижасида, 5 нафар йўловчилар тан жароҳати билан шифохонага ётқизилган.
Ушбу ЙТҲ юзасидан Навоий вилояти ИИБ ҳузуридаги ТБ томонидан ЖКнинг 266-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
