Олий таълим муассасалари талабаларининг давлат идораларида ҳақ тўланадиган стажировка ўташи тўғрисидаги тартибни тасдиқлаш борасидаги Молия вазирлигининг қарори оммавий муҳокамага қўйилди.
Унга кўра, лойиҳада назарда тутилган шартлар ва мезонлардан асосийлари, қабул қилувчи ташкилот стажёр билан ўзаро меҳнат шартномаси тузилади. Бунинг учун талаба 2-3 семестр магистри ёки 4-семестр бакалаври бўлиш шарт.
Стажировка давомийлиги магистратура талабалари учун 3.5 ой, бакалавриат талабалари учун 1 ой этиб белгиланди. Меҳнатга ҳақ тўлаш харажатлари қабул қилувчи ташкилот ҳисобидан амалга оширилиши қарорда кўрсатиб ўтилган.
Магистрлар учун энг кам ойлик иш ҳаққининг 1.5 баравари, бакалаврлар учун эса 1 баравар ҳақ тўланади.
Мазкур қарор расмий эълон қилинган кундан бошлаб кучга киради.
