Аввалроқ, ижтимоий тармоқларда Тошкент шаҳридаги Nest One биноси қурувчилари норозилик уюштириб кўчага чиққани ҳақида хабар берилганди. Шундан сўнг, Nest One лойиҳаси раҳбари Мурод Назаров ҳолатга изоҳ бериб, ваҳимага ўрин йўқлигини, NestOne'да ҳаммаёқ тинч эканини айтиб чиққанди.
Шундан сўнг, Тошкент шаҳар Давлат меҳнат инспекцияси ҳолат юзасидан ўрганиш олиб борган.
Аниқланишича, NestOne биносида ”Оzguvn mimarlik inshaat” МЧЖ ХКнинг 312 нафар ишчилари ҳамда ”Оzguven tasarim mimarlik insaat sanayi ve ticar” ПУнинг 427 нафар ишчилари 2022 йил апрель учун учун иш ҳақларини олмаганлиги сабабли мазкур корхонага нисбатан норозилик билдирган.
Шу куни 312 нафар ишчиларга 1 млрд 7 млн 825 минг сўм иш ҳақлари тўлаб берилиши таъминланди. Шунингдек, 427 нафар ишчига 1 млрд 346 млн 355 минг сўм иш ҳақлари тўлаб берилган.
Бундан ташқари, инспекция томонидан 2022 йил 17 май куни “Оzguvn mimarlik inshaat” МЧЖ ХК ва ”Оzguven tasarim mimarlik” МЧЖ шаклидаги хорижий корхонаси раҳбари Guven Mehmetra номига ёзма кўрсатма берилди.
