Ўзбекистон темир йўллари Ахборот хизматининг хабар қилишича, жорий йилнинг 1 ноябридан "Ўзбекистон темир йўллари" АЖ республикага импорт ташувларида хомашё ташиш учун 25 фоизлик чегирма жорий қилмоқда.
Бу рўйхатга кимё, озиқ-овқат ва саноат тармоқларида қўлланиладиган 114 турдаги хомашё киритилган. Улар орасида гречка, какао ловия, хлоридлар, сиянидлар, турли бўёқлар, антиоксидантлар ва бошқалар мавжуд.
Маълум қилинишича, чегирма маҳаллий ишлаб чиқарувчиларнинг қўллаб-қувватлаш мақсадида жорий этилмоқда.
25 фоизлик чегирмага эга бўлган товарларнинг тўлиқ рўйхати билан ушбу ҳавола орқали танишиш мумкин.
