Жорий йилнинг 22 июнь куни Андижон вилояти Пахтаобод туманидан ўтувчи "ўзбек-қирғиз" давлат чегараси ҳудудида хизмат ўтаётган ДХХ Чегара қўшинлари ҳарбий хизматчилари катта миқдордаги хорижий валютани мамлакатдан ноқонуний олиб чиқиб кетилишига чек қўйди.
Пахтаобод туманида яшовчи фуқаро А.Д. иккита полиэтилен қопда бўлган 1 млн АҚШ долларини Қирғизистонга ноқонуний ўтказмоқчи бўлган вақтида ДХХ томонидан қўлга олинди.
Ҳозирда мазкур ҳолат юзасидан ушбу фуқарога нисбатан ЖКнинг тегишли моддаси билан жиноят иши қўзғатилиб, тергов ҳаракатлари олиб борилмоқда.
