Қозоғистон президенти Қосим-Жомарт Токаев Конституцияга бир марталик етти йиллик президентлик мандати ва пойтахт номини Нур-Султондан Остонага ўзгартириш тўғрисидаги қонунни имзолади. Бу ҳақда Қозоғистон раҳбари Матбуот хизмати хабар берди.
Қонунга кўра, Мамлакат пойтахтининг Нур-Султон номи аввалги — Остона номига қайтарилади.
Шунингдек, Қозоғистонда президентлик муддати беш йилдан етти йилгача узайтирилади, президент эса иккинчи муддатга қайта сайлана олмаслиги белгиланди.
Маълумот учун, Қозоғистон пойтахтининг номи 2019 йил март ойида Қосим-Жўмарт Тўқаевнинг ташаббуси билан Остонадан Нур-Султонга ўзгартирилган эди.
