2020 йил давомида Ўзбекистонда 10 мингдан ортиқ фирибгарлик жиноятлари қайд этилган. Бу ҳақда ИИВ ҳузуридаги Тергов департаменти Матбуот хизмати маълум қилди.
Қайд этилишича, фирибгарликлар оқибатида 17 мингдан ортиқ фуқаролар жиноят жабрланувчисига айланишган, уларнинг 10 мингдан ортиғини эркаклар қолган қисми эса аёлларни ташкил этади.
“Фуқароларнинг ишонувчанлиги ва осон бойиб кетишга бўлган иштиёқи фирибгарларнинг тузоғига тушишларининг асосий сабабларидан бири ҳисобланади.
Чет элга ишга жўнатиш (13,1%), ер, уй олди-сотдиси (13.9%), ўқишга ёки ишга киритиш (9%) каби ваъдалар билан содир этилаётган фирибгарликлар энг кўп учрайдиган фирибгарлик бўлиб қолмоқда”, дейилади департамент хабарида.
