ИИВ ЙҲХББ Ахборот хизмати бугун ижтимоий тармоқларда тарқалган юк автомобилининг катта ёшли эркак кишини босиб кетгани тасвирланган видео юзасидан изоҳ беради.
Аниқланишича, жорий йилнинг 5 февраль куни соат 14:30 ларда, Андижон вилояти, Асака шаҳар, Беруний МФЙ, И. Бухорий кўчасида 1968 йилда туғилган Д.Б. “МАН” русумли юк автомобилида светофорнинг қизил чироғида тўхтаб турган вақтида, йўлни кесиб ўтаётган фуқаро, 1938 йилда туғилган Ю.А.ни кўрмай қолиб, ҳаракатланиб юбориши оқибатида уриб юборган.
Натижада, пиёда, 83 ёшли Ю.А. тан жароҳатлари олиб воқеа жойида вафот этган.
Мазкур ЙТҲ юзасидан терговга қадар дастлабки суриштирув ишлари олиб борилмоқда.
