Бухоро вилояти ҳокими лавозимига Ботир Зариповнинг номзоди расман тасдиқланди.
Шавкат Мирзиёев вилоят ҳокими ўринбосарлари, шаҳар ва туманлар ҳокимлари, маҳаллий депутатлари ҳамда тегишли идора ва ташкилотлар раҳбарлари иштирок этаётган мажлисда вилоят ҳокими лавозимига Ботир Зариповнинг номзодини тавсия қилди.
Йиғилиш давомида вилоят Халқ депутатлари кенгаши аъзолари томонидан Ботир Зарипов номзоди Бухоро вилоят ҳокими лавозимига тасдиқланди.
Эслатиб ўтамиз, Зарипов Ботир Комилович 2020 йил 7 ноябрдан буён Бухоро вилоят ҳокими вазифасини бажарувчи сифатида фаолият юритиб келаётган эди. Бунга қадар эса у “Ўзсаноатқурилишматериаллари” уюшмаси бошқаруви раиси лавозимида ишлаган.
