Бугун, 29 декабрдан бошлаб Тошкент шаҳрида ЙПХ ходимлари синов тариқасида янги намунадаги хизмат кийимида фаолият олиб боришади.
ИИВ матбуот хизматининг маълум қилишича, ушбу хизмат кийимлари қиш мавсумига мўлжалланган бўлиб, ҳавони ўтказувчи, лекин ёғингарчиликдан сақловчи замонавий, технологик матодан тайёрланган.
Кийимдага нур қайтарувчи мато ва чизиқлар ЙПХ ходимларини куннинг ҳар қандай вақтида йўловчи ва ҳайдовчиларга кўринишини таъминлайди.
Хизмат кийими синовдан муваффақиятли ўтса, республика бўйлаб барча ЙПХ ходимларига тарқатилиши айтилмоқда.
