"Ўзбекистон республика товар-хом ашё биржаси" АЖ жорий йил 7-13 декабрь кунларида биржа савдоларига қўйилган АИ-80 маркали автомобиль бензини ва нархларидаги ўзгаришга оид маълумотини эълон қилди.
Қайд этилишича, ўтган ҳафтада биржа савдоларига 20 556,0 тонна АИ-80 маркали автомобиль бензини қўйилди ва улардан 18 612,8 тоннаси, яъни 90,5% сотилди. Ўтказилган савдоларда ҳар куни ўртача 49 харидор иштирок этди.
Кўриб чиқилаётган даврда сотувчи корхоналар АИ-80 маркали автомобиль бензинининг ўртача бошланғич нархларини маҳсулотнинг бир тоннаси учун 5 700,5 минг сўмдан 5 852,7 минг сўмгача ёки 2,7 %га кўтаришди. Шу муносабат билан, АИ-80 маркали автомобиль бензиннинг ўртача кунлик нархи ҳам маҳсулотнинг бир тоннаси учун 5 725,5 минг сўмдан 5 876,0 минг сўмгача ёки 2,6% га ўсди.
Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси 5 761,8 минг сўмни, АИ-91 – 6 652,4 минг сўмни ташкил этди.
Маълумот учун, автомобиль бензинининг бир тоннаси ўртача 1293-1370 литрни ташкил қилади.
Эслатиб ўтамиз, АИ-80 маркали бензиннинг биржадаги нархлари кетма-кет уч ҳафтадан буён ўсишда давом этмоқда.
