"Тошшаҳартрансхизмат" АЖ Ахборот хизмати хабарига кўра, 11 декабрь куни соат 14:50 ларда “4–Автобус саройи” МЧЖ тасарруфидаги 38–сонли йўналишдаги автобус ҳайдовчиси ва “12–Автобус саройи” МЧЖга бириктирилган 58-сонли йўналишдаги автобус ҳайдовчиси Шота Руставели кўчасида кимўзарга ҳаракатланган.
Олиб борилган тезкор суриштирув натижасида қоидабузар ҳайдовчилар аниқланди.
12 декабрь куни йўловчилар хаётини хавф остига қўйганлиги ва авария ҳолатини содир этганлиги учун, иккала ҳайдовчига нисбатан “Маъмурий Жавобгарлик тўғрисида”ги Кодекснинг 128-5 моддаси бўйича маъмурий баённома расмийлаштирилди.
Мазкур моддага асосан, ҳайдовчиларга нисбатан БҲМнинг беш баравари миқдорида (1 115 000 сўм) жарима белгиланган.
Аввалроқ, шунга ўхшаш ҳолат пойтахтнинг Яшнобод тумани, Махтумқули кўчасида жойлашган “Ашхобод” сайлгоҳи қаршисида содир бўлганди. Ушбу ҳодисадан кейин ҳайдовчилар дастлаб ишдан олинди, кейин “права”сидан бир йил муддатга маҳрум қилинганди.
