6 ноябрь куни соат 10:00дан 18:00га қадар Миробод туманидаги "Қўйлиқ-2" даҳасида жойлашган "Оқава сув" корхонаси ёнидаги ўрта ва босимли ер усти газ қувурларини хавфсиз жойга кўчириш ишлари олиб борилади.
Шу сабабли, "Зиёнур" МФЙдаги 18та кўп қаватли уйларнинг 576 та аҳоли хонадонлари ва 3та улгуржи истеъмолчилари табиий газ таъминотидан вақтинчалик узилади. Бу ҳақда туман ҳокимлигининг матбуот хизмати хабар берди.
Қайд этилишича, таъмирлаш ишларидан сўнг, табиий газ таъминоти қайта тикланади.
“Hududgaz Poytaxt” таъмирлаш ишлари туфайли етказилаётган ноқулайликлар учун аҳоли ва газ истеъмолчиларидан узр сўраган.
