UzNews.uz’нинг ҳуқуқни муҳофаза қилиш органларидаги манбасининг хабар беришича, мазкур ҳодиса 20 февраль куни 5-сонли мактабда содир бўлган. Вояга етмаган 10-синф ўқувчиси 2003 йилда туғилган М.М. мактабга ўзи билан бирга қурол олиб келган. Ушбу ҳолат профилактика инспектори томонидан танаффус вақтида ўқув сумкаларини текширганида аниқланган.
Маълум бўлишича, ўқувчининг сумкасидан MINI UZI IWI русумли пневматик пистолет, глушитель, 4 дона пневматик газли балон, 1 дона қурол учун магазин, шунингдек, 1,5 мингга яқин металлдан ясалган золдирлар ва 1 дона сафари рангли ҳимоя маскаси топилган.
Мазкур ҳолат юзасидан суриштирув ишлари олиб борилмоқда.