Бош прокуратуранинг UzNews.uz’га берган маълумотига кўра, жорий йилнинг 22 май куни Сайхунобод тумани “Дўстлик” МФЙ Ширин кўчаси 29-уйда яшовчи 66 ёшли эркак яшаш хонадонидаги сизот сувларини сақловчи қудуқни (чуқурлиги 5 м.) тозалаш мақсадида тушиб, қудуқда ҳосил бўлган заҳарли газдан нафас олиши оқибатида вафот этган.
Аниқланишича, уни қутқариш мақсадида қудуққа тушган 38 ёшли фарзанди ва 45 ёшли қўшниси ҳам газдан заҳарланиш оқибатида вафот этган. Шундан сўнг, уларни қутқариш мақсадида ушбу қудуққа тушган 25 ва 48 ёшли эркаклар ҳам заҳарли газдан нафас олиши оқибатида соғлиги ёмонлашиб, ҳушини йўқотган.
Сайхунобод туман фавқулодда вазиятлар бўлими ходимлари томонидан кўрсатилган ёрдами натижасида уч нафар марҳумларнинг мурдаси ҳамда заҳарли газдан ҳушини йўқотган икки эркаклар қудуқдан олиб чиқилган.
Кўрсатилган тиббий ёрдам натижасида икки эркакнинг ҳаёти сақлаб қолинган ва Сайхунобод туман тиббиёт бирлашмасига жойлаштирилган.
Ҳолат юзасидан Сайхунобод туман прокуратураси томонидан терговга қадар текширув ҳаракатлари олиб борилмоқда.
Изоҳ