Аввалроқ ижтимоий тармоқларда 11 ёшли қизнинг электр токи уриши оқибатида вафот этгани акс этган видео тарқалган эди.
Тошкент шаҳар ИИББ 30 май куни тахминан соат 18:00 да пойтахтнинг Миробод туманида фожиа содир бўлгани - 11 ёшли қиз вафот этгани ҳақида хабар берди.
Ўсмир болалар майдончасида ишчилар томонидан қолдирилган темир нарвон ёрдамида укасининг ўйинчоғини олиш учун савдо дўконининг том қисмига чиққан.
У томдан пастга тушаётганда том қисмининг ёнидан ўтган электр симига тегиб кетган, ва ток уруши натижасида воқеа жойида вафот этган.
Мазкур ҳолат юзасидан ЖКнинг 257-моддаси 2-қисми "а" банди (меҳнатни муҳофаза қилиш қоидаларини бузиш одам ўлишига сабаб бўлса) билан жиноят иши қўзғатилган. Тергов олиб борилмоқда.
Изоҳ