11 июль куни Ўзбекистон ва Эритрея ўртасида дипломатик муносабатлар ўрнатиш тўғрисидаги Қўшма коммюнике имзоланди. Бу ҳақда Эритреянинг БМТдаги Нью-Йоркдаги доимий ваколатхонаси хабар берди.
Ҳужжатни икки давлат ҳукуматлари номидан Ўзбекистоннинг БМТдаги доимий вакили Улуғбек Лапасов ҳамда Эритреянинг БМТдаги доимий вакили София Тесфамариам Йоханнес имзолаган.
Эритрея ваколатхонаси ушбу воқеани ўзаро ҳурмат ва БМТ Низоми принциплари асосидаги икки томонлама муносабатларнинг янги босқичи сифатида баҳолади.
Эритрея — Африканинг шимоли-шарқида, Африканинг Шох ҳудудида жойлашган давлат бўлиб, Судан, Эфиопия ва Жибути билан чегарадош, Қизил денгиз бўйида жойлашган.
Изоҳ