Германияда ўтган Reyn-Rur 2025 XXXII Бутунжаҳон ёзги Универсиада ўйинларида Ўзбекистон спорт делегацияси жами 15 та медаль қўлга киритди. Бу ҳақда Миллий Спорт вазирлиги Матбуот хизмати хабар қилди.
Мазкур Бутунжаҳон ёзги “Универсиада” ўйинларида 18 та спорт тури бўйича 5 100 нафардан ортиқ талаба спортчилар 234 та жамланма медаллар учун баҳс олиб борди.
Ўзбекистон спорт делегацияси мазкур мусобақада 11 та спорт тури (камондан отиш, спорт гимнастикаси, енгил атлетика, сувга сакраш, дзюдо, бадиий гимнастика, эшкак эшиш, сузиш, стол теннис, таэквондо WТ ва теннис) бўйича 18 та олий таълим муассасаларида таҳсил олувчи 53 нафар спортчилардан иборат таркиб билан иштирок этди.
Делегация мусобақа якунларига кўра 5 та спорт тури бўйича (сузиш, бадиий гимнастика, енгил атлетика, таэквондо WТ, дзюдо) 4 та олтин, 4 та кумуш ва 7 та бронза, жами 15 та медаль қўлга киритиб, умумжамоа ҳисобида 13-ўринни, Марказий Осиё давлатлари орасида эса 1-ўринни эгаллади.
Изоҳ