Давлат томонидан эҳтиёжманд оилаларга электр ва газ харажатлари учун 7,4 млрд сўм қайтарилди

Президент қарорига кўра, 1 майдан бошлаб Ўзбекистондаги эҳтиёжманд оилаларга ҳар ойда ёруғлик ва газ учун компенсация тўланади. Давлат электр энергияси ва табиий газ учун базавий ва оширилган тариф ставкалари ўртасидаги фарқни қоплайди: 150 кВт⋅соат электр энергияси ва 150 куб метр табиий газ.

Энергетика вазирлиги маълумотларига кўра, май-июнь ойларида компенсация олиш учун 1,6 миллиондан ортиқ ариза қабул қилинган. Шундан 843 минг оила реестрга киритилган, 758 минг оила эса реестрдан ташқари.

Базавий истеъмол меъёридан ошган оилаларга ушбу икки ойда 7,4 млрд сўм тўлаб берилди, шундан:

• май ойи учун - 159,5 минг оила учун 3,2 млрд сўм;

• июнь ойи учун - 223,6 минг оила учун 4,2 млрд сўм.

Барча компенсация тўловлари фуқароларнинг банк карталарига тўлиқ ўтказиб берилди. Июль ойи учун компенсациялар август ойида тўланади.

Энергетика вазирлиги компенсация олиш учун маҳалладаги ижтимоий ходимга, туман "Инсон" ижтимоий хизматлар марказига мурожаат қилиш ёки 1140 рақамига қўнғироқ қилиш кераклигини эслатди.