Кеча, Андижондаги аҳоли яшаш хонадонларининг бирида ёнғин содир бўлгани акс этган видео ижтимоий тармоқларга сиздирилди. Ушбу ҳолат юзасидан Андижрн вилояти ФВБ Матбуот хизмати изоҳ берди.
Аниқланишича, кеча, 2 декабрь куни соат 22:33 Андижон вилояти, Андижон тумани, "Курама" МФЙ, Серфайз кўчасида жойлашган аҳоли яшаш хонадонида ёнғин содир бўлганлиги тўғрисида ФВБга хабар келиб тушган.
Шунга кўра, 4 та ёнғин-қутқарув экипажи соат 22:44 да ёнғин содир бўлаётган жойга етиб борган ва ёнғин соат 22:49 да ўраб олинган, ҳамда соат 23:30 да ёнғин ўчирилган.
Ёнғин оқибатида яшаш уйининг шифт, том қисми ва уй рўзғор буюмлари ёниб зарарланган.
"Ёнғин сабаби ва зарари аниқланмоқда. Ёнғин натижасида тан жароҳати олган фуқаролар тўғрисида хабар келиб тушмади," - дейилади хабарда.
Изоҳ