Марказий банк барча тижорат банкларига банк хизматларида адолатсиз ва инсофсиз амалиётларга чек қўйиш бўйича навбатдаги талабномани юборди.
Таҳлиллар шуни кўрсатдики, айрим банклар мобил иловаларда:
— истеъмолчининг фақат битта хизматдан фойдаланиш истагига қарамай, “бош оферта” орқали бир нечта хизматларга мажбуран розилик олиш;
— кредит картаси муддати ўтганда картани автоматик блоклаш ва тушган маблағдан асосланмаган комиссия ундириш каби амалиётларни қўллаб келмоқда.
Бундай ҳолатлар адолат ва оқилона ёндашув тамойилларига зид бўлиб, қонунчиликда белгиланган истеъмолчи ҳуқуқларининг бузилишига олиб келади. Марказий банк ушбу амалиётларни мазмунан инсофсиз амалиёт деб баҳолайди.
Шу муносабат билан Марказий банк барча тижорат банкларидан талаб қилади:
— оферталарни фақат танланган хизмат доирасида, аниқ ва ошкора тақдим этиш;
— устун музокара кучини суиистеъмол қилмаслик;
— комиссияларни белгилашда: адолат ва шаффофлик тамойилларига қатъий амал қилиш.
Изоҳ