Ўзгидромет маълумотларига кўра, душанба куни кундузи Ўзбекистон ҳудудининг катта қисмида қуруқ об-ҳаво бўлиши кутилмоқда. Фақат Тошкент вилояти ва Фарғона водийси вилоятларининг айрим жойларида қисқа муддатли ёмғир ёғиши, момақалдироқ бўлиши мумкин. Ҳаво ҳарорати +34...+36 даража, жанубда +38...+40 даражагача бўлади.
2-4 июнь кунлари республика бўйича ёзнинг бошланишига хос об-ҳаво кутилмоқда. Кечаси ва куннинг биринчи ярмида асосан кам булутли об-ҳаво бўлиши, куннинг иккинчи ярмида конвектив булутлилик ривожланиши кутилмоқда, айрим жойларда қисқа муддатли ёмғир ёғиши ва момақалдироқ бўлиши мумкин.
Ушбу кунларда ҳаво ҳарорати аста-секин +28...+33 даражагача, жанубда +34...+37 даражагача пасаяди.
5 июнь куни фақат Фарғона водийсининг айрим жойларида қисқа муддатли момақалдироқ бўлиши мумкин. Шамол 7-12 м/с тезликда эсади, баъзи жойларда 15-20 м/с гача кучайиши, айрим жойларда чанг-тўзонлар билан кузатилиши мумкин.
Тоғ олди ва тоғли ҳудудларда 1-5 июнь кунлари баъзи жойларда қисқа муддатли ёмғир ёғади, момақалдироқ бўлади, сел-сув тошқин ҳодисалари юзага келиши мумкин.
Тошкентда 1 июнда қисқа муддатли ёмғир ёғиши, момақалдироқ бўлиши мумкин. Ҳарорат +34...+36 даража бўлади. 2-4 июнь кунлари куннинг иккинчи ярмида қисқа муддатли ёмғир ёғиши, момақалдироқ бўлиши мумкин. Ҳарорат аста-секин +29...+31 даражагача пасайиши кутилмоқда.
5 июнь куни ёғингарчиликсиз об-ҳаво бўлади. Ҳарорат кундузи +31...+33 даражани ташкил этади. Шамол 3-8 м/с тезликда эсади, баъзи жойларда 10-15 м/с гача кучаяди, айрим жойларда чанг-тўзонлар билан кузатилади.
Изоҳ