4 март куни инвестициялар, саноат ва савдо вазири Лазиз Қудратов Тошкентда Араб мувофиқлаштириш гуруҳининг давра суҳбатида иштирок этди, дея хабар бермоқда вазирлик Матбуот хизмати.
Қайд этилишича, тадбирнинг асосий мақсади – АМГга киритилган ташкилотлар иштирокида жорий қўшма лойиҳаларни амалга ошириш жараёнини кўриб чиқиш ва иқтисодиётнинг устувор тармоқларида янги истиқболли ташаббусларни аниқлаш.
Тадбир давомида Халқаро Ислом савдо ва молия корпорацияси ва вазирлик ўртасида умумий қиймати 600 миллион доллар бўлган рамка келишуви имзоланди.
Битим савдони молиялаштириш ва савдони ривожлантириш, қишлоқ хўжалиги ва озиқ-овқат хавфсизлигини молиялаштириш, давлат корхоналарини қўллаб-қувватлаш ҳамда фармацевтика, озиқ-овқат, қишлоқ хўжалиги ва тўқимачилик каби муҳим тармоқларни молиялаштиришни осонлаштиришни ўз ичига олади.
Қайд этилишича, 2024 йилда Инвестициялар, саноат ва савдо вазири ҳам янги интеграциялашган савдо вазирлиги ечими орқали маҳаллий банкларни техник ёрдам билан қўллаб-қувватлашда давом этади.