Миллий статистика қўмитаси маълумотларига кўра, январь-март ойларида республика бўйича ўртача ойлик номинал ҳисобланган иш ҳақи 5,79 млн сўмни ташкил этиб, ўтган йилнинг мос даврига нисбатан 18 фоизга ошган.
Энг юқори кўрсаткичлар Тошкент шаҳрида сақланиб қолмоқда - 9,88 млн сўм, бу бошқа ҳудудларга нисбатан қарийб 2 баробар кўпдир. Тошкент шаҳридан кейинги ўринларда Навоий вилояти - 7,3 млн сўм ва Тошкент вилояти - 5,4 млн сўм. Қолган ҳудудларда бу кўрсаткич 4 млн сўмдан 4,8 млн сўмгача ўзгариб туради.
Ушбу даврда иқтисодий фаолият турлари бўйича ўртача ойлик иш ҳақининг энг юқори кўрсаткичи яна банк, суғурта, лизинг ва кредит-воситачилик фаолиятида - 15,84 млн сўм ҳамда ахборот ва алоқа соҳасида - 14,81 млн сўмни ташкил этди.
Таълим, соғлиқни сақлаш ва ижтимоий хизматлар кўрсатиш соҳаларида ҳамон ўртача ойлик иш ҳақининг энг паст даражаси кузатилмоқда - мос равишда 4 млн сўм ва 3,6 млн сўм, бу республика ўртача даражасидан паст.
