Маълум қилинишича, Нукус кўчасида Malibu 2 ҳайдовчиси давлат рақами белгиларисиз, барча ойналари қорайтирилган ва қўшимча жиҳозлар ўрнатиб ҳаракатланган.
ЙПХ ходими унга тўхташ ишорасини кўрсатган, аммо у инспекторнинг қонуний талабига бўйсунмасдан, ходимни машина капотида тахминан 1,5 километрга судраб кетган. Кўрилган чора-тадбирлар натижасида ҳайдовчи тўхтатилган.
Мазкур ҳолат юзасидан ЖКнинг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилган.
Ҳозирда ҳайдовчига нисбатан қамоққа олиш тарзидаги эҳтиёт чораси қўлланилган. Машина жарима майдонига жойлаштирилган.