156 нафар Ўзбекистон фуқароси 30 май куни махсус авиарейсда Тошкент шаҳрига олиб келинди. Бу ҳақда Президент матбуот хизмати хабар бермоқда.
"Алдов оқибатида ўзга юртга бориб қолиб, оғир ҳаётий даврни бошидан ўтказган бу инсонларга ҳукуматимиз томонидан тиббий, психологик, моддий ва маънавий ёрдам кўрсатилади.
Уларнинг тинч ҳаётга қайтиб, жамиятга мослашишлари, таълим ва ижтимоий дастурларда иштирок этишлари учун зарур шароит яратилади, бошпана ва иш билан таъминлаш чоралари кўрилади", - дейилади хабарда.
