Бош вазир Aбдулла Aрипов амалий ташриф билан Қирғизистон Республикасига келди, дея хабар берди Қирғизистоннинг Gov.kg нашри. Ўш халқаро аэропортида Абдулла Ариповни Қирғизистон Вазирлар Маҳкамаси раиси Aқилбек Жапаров кутиб олди.
Бугун икки давлат ҳукумат раҳбарлари икки томонлама учрашув ўтказади, шунингдек, Қирғизистон президентининг чегарадош вилоятлардаги ваколатли вакиллари ҳамда республиканинг чегарадош вилоятлари ҳокимлари кенгашининг тўртинчи йиғилишида иштирок этади.
Бундан ташқари, Оқилбек Жапаров ва Aбдулла Aрипов видеоконференцалоқа орқали Боткен вилояти, Лейлек тумани, Марғум қишлоғидаги умумтаълим мактабининг очилиш маросимида иштирок этади.
