Ўзбекистон Ташқи ишлар вазирлиги ўз муносабатида томонларни кескинликни кучайтирмасликка ва можарони тезроқ бартараф этиш учун барча зарур чораларни кўришга чақирмоқда.
Шунингдек қайд этилишича, Фаластин-Исроил муаммосини ҳал қилиш халқаро ҳуқуқ нормаларига мувофиқ, БМТ Хавфсизлик Кенгашининг аввал қабул қилинган резолюциялари ва “икки халқ учун икки давлат” тамойили асосида амалга оширилиши зарур.
"Биз томонларни ихтилофни мулоқот ва дипломатия йўли билан ҳал қилиш учун вазминлик ҳамда сиёсий ирода кўрсатишга чақирамиз", - дейилади ТИВ муносабатида.
Эслатиб ўтамиз, фаластинликлар ва Исроил хавфсизлик кучлари ўртасида сўнгги кунларда яна кучайди. Масалан, ўтган ойда Ал-Ақсо масжидига 12 мингга яқин мусулмон йиғилган вақтда икки томонлама тўқнашув бошланди.
