Ўзбекистон Республикаси Ташқи ишлар вазирлиги Афғонистон ва Покистон ўртасидаги чегарада вазият кескинлашгани муносабати билан чуқур хавотир изҳор этди. Бу ҳақда вазирликнинг расмий сайтида эълон қилинган баёнотда маълум қилинди.
Ҳужжатда таъкидланишича, Ўзбекистон ҳар икки томонни зудлик билан ўт очишни тўхтатишга, юксак даражада вазминликни сақлашга ва кескинликнинг янада кучайишига йўл қўймасликка чақирмоқда.
Ташқи ишлар вазирлиги барча келишмовчиликлар ўзаро ҳурмат, давлатлар суверенитети ва ҳудудий яхлитлиги тамойиллари асосида фақат тинч, сиёсий-дипломатик воситалар орқали ҳал этилиши лозим, деб ҳисоблайди.
Ушбу баёнот Ўзбекистоннинг Марказий Осиёда минтақавий барқарорлик тамойилларига содиқлигини акс эттиради.
Комментарии