"Суҳбат аввалида давлатимиз раҳбари Туркия Президентини таваллуд куни билан самимий табриклаб, энг эзгу тилакларини билдирди", - дейилади хабарда.
Бундан ташқари, Президент Ўзбекистон билан Туркия ўртасидаги дўстлик, стратегик шериклик ва ўзаро манфаатли ҳамкорлик муносабатлари тобора мустаҳкамланиб бораётганини алоҳида қайд этган.
2018 йил якунларига кўра товар айирбошлаш 40 фоизга ошган. Туркиянинг етакчи компаниялари иштирокида инвестиция ва инновациялар, энергетика, қишлоқ хўжалиги, инфратузилмани модернизация қилиш, туризм ва бошқа соҳаларда йирик қўшма лойиҳалар амалга оширилмоқда.
Давлат раҳбарлари сиёсий, савдо-иқтисодий, инвестициявий, молиявий, маданий-гуманитар ва бошқа соҳаларда олий даражада эришилган келишувларни кенг миқёсда амалга ошириш муҳимлигини қайд этганлар.
