Яширин овоз бериш йўли билан ўтказилган сайлов натижаларига кўра, Тошкент шаҳар ҳокими, Халқ депутатлари Тошкент шаҳар Кенгаши раиси Жаҳонгир Обидович Ортиқхўжаев Ўзбекистон Республикаси Олий Мажлиси Сенати аъзоси этиб сайланди.
Эндиликда Тошкент шаҳар ҳокими Сенатдаги пойтахт номидан сайланган бешинчи сенатор сифатида фаолият бошлайди.
Олий Мажлис Сенатида Тошкент шаҳридан тўрт нафар сенатор фаолият олиб бормоқда. Улар Дадаходжаев Фаррух Саидахмедович, Низамходжаев Зайниддин Махаматович, Хикматов Хайрулла Хикматович ҳамда Шин Агрепина Васильевналардир.
