Ўзбекистон Республикаси Президентининг 2018 йил 14 мартдаги ПҚ–3604-сон қарори билан Ўзбекистон Республикаси Ҳукумати ва Тожикистон Республикаси Ҳукумати ўртасида 2018 йил 9 март куни имзоланган фуқароларнинг ўзаро сафарлари тўғрисидаги битим тасдиқланди.
Ўзбекистон Республикаси Ташқи ишлар вазирлиги хабарига кўра, Ҳукуматлараро битим Тожикистон Республикасининг фуқароларига нисбатан 2018 йил 16 мартдан бошлаб тадбиқ қилинади ва Тожикистон Республикаси фуқаролари Ўзбекистонга 30 кунгача визасиз сафар қилишлари мумкин бўлади.
